كلمات البوم حسين الجسمي 2006 :
والحين اخليكم مع كلمات الاغاني ....
يا خفيف الروح
كلمات : الشيخ زايد بن سلطان آل نهيان
يا خفيف الروح كيف انتوا يا شفي قلبي من اعواقه
ارحموني لو تكرمتوا بالوصل وانا من اشفاقه
مر وقت لي ولا بنتوا انتظر من طول فراقه
ارحموا ذا الروح لا هنتوا لي لكم بالشوق تواقه
مازهى لي الوقت لو ما انتوا انت سعد القلب و اشواقه
انتوا ياللي بي تملكتوا بالرضا و الطيب واخلاقه
ارحموا من به تحكمتوا من جفاه النوم ما ذاقه
في سويدا القلب شيدتوا منزل ماحد قد فاقه
بخفي اما بي اذا عدتوا لا يشيع السد و اشواقه
الصواب لي بيه لي صبتوا عالجوها النفس معتاقه
غاية منايه اذا جدتوا بعدكم لي نار حراقه
يا خفيف الروح كيف انتوا يا شفي قلبي من اعواقه
ـــــــــــــــــــــــــــــــــــــــــــــــ
بصبر على فراقكم
كلمات : الشيخ نهيان بن زايد آل نهيان
بصبر على فراقكم مهما تمر سنين
اتخيل محياكم ياحبيبين العين
سبحان من أنشأكم ومكملك بالزين
قلب العنا يهواكم ياناس يا ناسين
افرح انا بلقياكم وانتوا علي قاسين
وابكي على لاماكم وايام مرت وين
القلب يبغى رضاكم مجروح به جرحين
جرح الجفا وفرقاكم وجرح نزيف الحين
الله يا ذكراكم على العيون اتبين
يا ليتنا شفناكم اصغي شرى مصلين
باقي على ملقاكم يا لين يوم الدين
ـــــــــــــــــــــــــــــــــــــــ
فقدتك
كلمات : فيصل اليامي
فقدتك يا اعز الناس فقدت الحب و الطيبه
وانا من لي في هالدنيا سواك ان طالت الغيبة
رحت ومن بقى وياي يحس بضحكتي وبكاي
وحتى الجرح في بعدك يغزيني وأهليبه
تصدق قد من حنيت اشوفك في زوايا البيت
واسولف معك عن حزني واحس ان انت تدري به
شسوي بالالم والاه ولكن البقى لله
يصبرني على بعادك وذا حضي وراضيبه
ـــــــــــــــــــــــــــــــــــــ
وش حال
كلمات : علي الخوار
الله يسامح زمان فيك ذكرني
من بعد ماكنت ناسي يا بعد ناسي
كلما دعيت بهواك الله يصبرني
ترجع لقلب نسى وتوض احساسي
وش حال قلبك بعد فرقاي خبرني
مرتاح ولا شكا (م) الشوق ويقاسي
لونا تولهت شفت الوقت يجبرني
ابعد اصبر فوادي واتركك ناسي
ياهل ترى تذكر ايامي وتذكرني
ياهل ترى مثل ما انته تحلف براسي
ولا تعودت تنساني وتهجرني
والوقت عيا يرقق قلبك القاسي
ــــــــــــــــــــــــــــــــــ
حلو على قلبي
كلمات : حمد الكعبي
حلو على قلبي هواكم
عايش مع ايامي سعيد
غايتي اطلب رضاكم
وان حصل ذا اليوم عيد
ليتني مسافر جداكم
واترك الغربه بعيد
قلبي ما يهوى سواكم
وانتوا بس حبه الوحيد
زايد بقلبي غلاكم
ياعسى دوم يزيد
عيني يعجبها حلاكم
وزينكم عندي فريد
شوقي يسقني للقاكم
لو اشوفك من بعيد
عايش العمر برجاكم
وغيركم لا ما اريد
ــــــــــــــــــــــــــــــ
العداله
كلمات: فيصل اليامي
الظلم في الدنيا عدو العداله
والخير يسأل دايم الشر وش فيه
الانسان بأفعاله ولا هو بماله
وش فايدة ماله اذا الكل جافيه
هذا الزمن مايعرف اللي قباله
وما في احد يدري وش اللي مخبيه
كل شخص يحمل في حياته رساله
يا تعتلي به فوق وإلا توطيه
الله خلق هالكون اكبر دلاله
ان القوي الله ولا احد يساويه
ياضعفنا قدام رب الجلاله
اذا انسأل كلٍ عن اللي يسويه
ـــــــــــــــــــــــــــــــــــــــ
الحبيب الاولي
كلمات : ساهر
ما الحب إلا للحبيب الاولي
الجرح من ايده يطيب وينجلي
لو راح عني وصد وقسى
لو عشت عمري بلاه في هالحياة
يكفيني من حبه غلاه و الذكريات
بحر الهوى يا سامعين ماله دوى
مايروي قلب العاشقين مهما روى
ـــــــــــــــــــــــــــــــــــ
السيدريك
تراث قديم
دان دانه اللي دانه دانه يو داني
باروح في السيدريك صوب المحابيبي
وعييت با دورك وعييب با نادي
وعييت با دورك يا راحة فؤادي
ياناس وش هو الفكر فيني وأنا المظلوم
عافو السلاطين والباشات حتى الروم
باسالكم يو عرب والمشكله دوره
حد يدور الهوى وحد الهوى يدوره
باسالكم يو عرب والمشكلة سنة
باسالكم عن زمان مشتقي منه
ــــــــــــــــــــــــــــــــــــــ
آكديللي
تراث قديم
آكديللي .. آكديللي
وش تا يقولوا فينا
آكديللي .. آكديللي
صلوا على نبينا
آكديللي .. آكديللي
جاك الشتا وحياتو
آكديللي .. آكديللي
وخداته مولاتو
آكديللي .. آكديللي
طال الهجر ونسينا
آكديللي .. آكديللي
غدوه عساه يجينا
ــــــــــــــــــــــــــــــــــ
الخيانه
كلمات : عبدالله بودلة
شكلك تبي تبدا معاي الخيانه
لا يا حبيبي هونك شوي هونك
انا اللي بنهي الحين قصة هوانا
وانا اللي ببدي بالخيانه واخونك
شالسافه قلبك تغير حنانه
وانا اللي اول كنت مالي عيونك
عشان قلبي حب قلبك وصانه
ولا انت ما يعجبك منهو يصونك
بعيش انا وقلبي ومنته معانا
خل تنفعك بعدين كثرة ظنونك
انت الذي حديتني وللأمانه
حياتي صارت حيل حلوه بدونك
ــــــــــــــــــــــــــــــــــــــــــ
قول رجعت ليه
كلمات : هاني عبدالكريم
قول رجعت ليه يا حبيبي
قصدي باللي كنت حبيبي
ضعت بعدي .. كرهت بعدي .. وجيت ندمان خلاص
ما افتكرش اني افتكرلك
كل ده وماتعرفشي اني خلاص نسيت
كنت فين وانا قلبي كان محتاج هواك
بقولك ايه ارجع ياريت لمكان ماجيت
جاي ليه بتقولي نادم عللي فات
جان لي اتقول مهمة الذكريات
ما افتكرش اني افتكرك من ماضيك
افتكر ايه ولا ايه من حب مات
يوم مارحت وغبت عني قلت لا
الحياة من بعد منك مش حياة
اتاري كل اللي افتكرته مستحيل
ماضي راح كل الجراح راحت معاه
انت ايه فكرت اني هموت عليك
لو بموت انا عمري تاني ما هبقى ليك
انت جيت وفارقت زي ما جيت مشيت
مش حفكر فيك وروح لو روحي فيك
ـــــــــــــــــــــــــــــــــــــــــــــ
بلغ حبيبك
كلمات : علي الفضلي
بلغ حبيبك وقوله باخذه منه
هذا هو الحل ومالي حل اي ثاني
ما اقدر اقعد واشوفك بس واستنه
كل يوم عنك بعيد يزود جناني
من يوم شفتك وانا في داخلي ونه
ولعت قلبي ترا شبيت وجداني
قله ترى اموت لو ما تبتعد عنه
لازم انا اهواك ولازم انت تهواني
ياليت قلبك عرفني من صغر سنه
والله لأحبك واضمك بين احضاني
حبيب قلبي منعت القلب لكنه
يبغيك انته ولا يبغى احد ثاني
ــــــــــــــــــــــــــــــــــــــ
صابر
كلمات : حسين البصري
إلي سنتين انا صابر
قالولي يجي باكر
شيخلص الليل وظنوني
على جيتك على باكر
وانا صابر على باكر انا صابر
وعلى جيتك على باكر انا صابر
لو خلّي يجي يمي
لطش الورد في دروبه
واقله قلبي الصابر
ابد ما ينسى محبوبه
اذكر يوم انا وخلّي
على جدله تلاقينا
قعدنا هناك على الشاطي
يا محلى ليالينا
اطالع صورتك بالبيت
وابد ماترمش عيوني
باكر لو اشوفك جيت
صدق ينخطف لوني
اتمنى انها تعجبكم .
موضوع: كلمات البوم حسين الجسمي 2006 : 
